Penzanne

Arapo ll’uocchie
e guardo ‘o cielo
addo se ‘ncontra c’ ‘o mare
e vide ‘o sole
ca se ‘nfonne int’‘a ll’acqua
siente ‘o viento
ca cancella culure
e ca mette paura
E astrigne ‘e mmane
‘ncopp’’a vocca
pe’ ‘’nn’’allucca’
a stu core ca te scoppia,
e vulisse fuji
e vulisse allucca’
a ‘sta ggente che te sta attuorno
e nun te sape ama’,
e po’ ‘nchiude ll’uocchie
e cunte ‘a vita che se ne va
e pienze a chillu ppane
ca nun t'' è saputo astipà.